वडा नम्बर छ, छ एक्कान छ र छक्का पञ्जा १ र २ को अपार सफल्तापछि कलाकार तथा निर्माता दीपकराज गिरी र दीपाश्री निरौलाले ‘छ माया छपक्कै’ नामक फिल्म बनाउन लागेका छन् ।
सोमवार चलचित्र विकास बोर्डमा नाम दर्ता गरेको यो युनिटले मंगलवार फेसबुक मार्फत् नाम सार्वजनिक गरेको हो। उक्त फिल्म दीप र दीपाले रोहित अधिकारीसँगको सहकार्यमा बनाउन लागेका हुन् ।
यस फिल्मलाई दीपेन्द्र लामाले निर्देशन गर्नेछन् । यसअघि लामाले ‘घामपानी’ र ‘गोपी’ निर्देशन गरिसकेका छन् । फिल्म कमेडी लभस्टोरी जनरामा निर्माण हुने बताएका छन् । फिल्ममा सामाजिक विषयलाई पनि उठाइएको उनले जानकारी दिए ।
२२ बैशाखबाट छायांकनमा जाने तयारी भइरहेको फिल्म दशैंमा प्रदर्शनमा आउनेछ । फिल्मलाई हरी हुमागाइँले खिच्नेछन् ।
