![](https://newspolar.com/wp-content/uploads/2022/03/maobadi_banda_satra__mVcJOQdtmP.jpg)
काठमाडौं ।नेकपा (माओवादी केन्द्र(को आठौं राष्ट्रिय महाधिवेशनको निर्वाचन प्रक्रिया आज दिउसो बाट सुरु हुदैछ । सर्वसम्मतिमै नेतृत्व चयन गर्ने प्रयास गर्ने भन्दै माओवादी केन्द्रले शनिबार तय भएको निर्बाचन कार्यक्रम स्थगन गरेको थियो । निर्बाचन आयोगका अध्यक्ष विष्णुपुकार श्रेष्ठले आज दिउसोृ २ बजेदेखि ३ः३० बजेसम्म उम्मेदवारको मनोनयन दर्ता, ३ः४० मा उम्मेदवारको मनोनयन पत्रको दर्ता सूची प्रकाशन गरिने जानकारी दिनुभयो ।
यसै गरी उम्मेदवारको विरोधमा उजुरी दिने समय ४ बजेका लागि तय गरिएको छ । उम्मेदवारको विरोधमा परेको उजुरीको सूचना दिनका लागि ४ः१० बजेसम्मको समय दिइएको छ । श्रेष्ठका अनुसार उजुरीमाथि छानबिन गरी ४ः४० बजे उम्मेदवारको अन्तिम नामावली प्रकाशन गरिनेछ । निर्बौचन कार्यक्रम अनुसार उम्मेदवारी फिर्ताका लागि ५ः३० बजेसम्मको समय दिइएको छ । उम्मेदवारको अन्तिम नामावली ५ः४५ बजे प्रकाशन गरिनेछ ।आयोगका अनुसार आइतबार साँझ ६ः२५ बजेदेखि १०ः२५ सम्म निर्वाचनका लागि समय निर्धारण गरिएको छ ।
निर्वाचनमा १ हजार ७४२ जना प्रतिनिधिहरुले मतदान गर्ने निर्वाचन समितिले जनाएको छ । माओवादी केन्द्रको अध्यक्षमा भने पुष्पकमल दाहाल सर्वसम्मत चयन हुने पक्कापक्की जस्तै देखिएको छ भने वरिष्ठ उपाध्याक्षमा नारायणकाजी श्रेष्ठ,उपाध्यक्षहरु कृष्णबहादुर महरा,देव गुरुङ,पम्फा भुषाल,हरिबोल गजुरेल र मातृका यादव, गणेश शाह , परशुराम तमाङ, लगायतका नेताहरुको सम्भाबना रहेको एक नेताले जानकारी दिनुभयो ।
यसै गरी महासचिबमा जनार्दशन शर्मा र बर्षामान पुनको दाबी रेका कारण अध्यक्ष दाहाललाई दुई नेताको व्यवस्थापनका सकस भएको उहाँले जानकारी दिनुभयो । उपाध्यक्षमा व्यवस्थापन गर्न नसकिएका केही नेताहरु मध्ये एकले कोषाध्यक्षको र अन्यले उपमहासचिवको भूमिका पाउने छन् । समावेशितालाई पनि ध्यान दिनुपर्ने कारण गणेश साह, परशुराम तमाङलाई पनि पदाधिकारीमा समेट्नु पर्ने दबाब अध्यक्ष प्रचण्डमाथि छ । सचिवमा देबेन्द्र पौडेल, शक्ति बस्नेत, हितमान शाक्य लगायतका नेताहरुको बारेमा छलफल भएको छ ।