काठमाडौँ । एकदिवसीय (ओडीआई) वरीयतामा नेपाल एक स्थान तल झरेको छ ।
अन्तर्राष्ट्रिय क्रिकेट परिषद् (आईसीसी)ले सार्वजनिक गरेको नयाँ वरीयतामा नेपाल १७ औं स्थानमा पुगेको छ ।
यसअघि नेपाल १६ औं स्थानमा रहेको थियो । आईसीसी विश्वकप लिग २ मा यसै साता क्यानडामा तीन खेल हारेपछि नेपालको वरीयता खस्किएको हो ।
वरीयतामा भारत शीर्षस्थानमा रहँदा अष्ट्रेलिया दोस्रो, दक्षिण अफ्रिका तेस्रो, पाकिस्तान चौंथो, न्युजिल्यान्ड पाँचौं, श्रीलंका छैटौं, इंग्ल्यान्ड सातौं, बंगलादेश आठौं, अफगानिस्तान नवौं र वेस्ट इण्डिज दशौं स्थानमा रहेका छन् ।
