एजेन्सी । आईपीएलको ३६ औँ खेलमा सनराइजर्स हैदरावादले रोयल च्यालेन्जर्स बैंग्लोरमाथि एकतर्फी जित हात पारेको छ । केन विलियम्सनको कप्तानीमा रहेको हैदरावादले बैंगलोरलाई ९ विकेटले पराजित गरेको हो ।
हैदरावादले आठ ओभरमा एक विकेट गुमाएर बैंग्लोरलाई मात्र ६८ रनमा सिमित गर्यो । आईपीएलमा कुनै पनि टोलीको बलको आधारमा यो चौथो ठूलो जित हो । हैदरावादले यो सिजनको लगातार पाँचौं जित निकाल्दै अंक तालिकाको दोस्रो स्थानमा उक्लिएको छ ।
बैंगलोरले दिएको ६९ रनको सानो लक्ष्य पछ्याउँदै हैदरावादले बलियो सुरुवात गरेको थियो । अभिषेक शर्मा र केन विलियम्सनले ६ ओभरमा ५० रन जोडे । यस क्रममा अभिषेकले बैंगलोरका बलरहरु विरुद्ध बलियो ब्याटिङ गर्दै २७ बलमा ४७ रन बनाए । उनी आफ्नो अर्धशतकको नजिक पुगेका थिए तर आठौं ओभरको दोस्रो बलमा हर्षल पटेललाई छक्का प्रहार गर्ने क्रममा अनुज रावतको हातबाट क्याच आउट हुन पुगे ।
आउट हुनुअघि अभिषेकले २८ बलमा ४७ रन बनाएका थिए । त्यसपछि सोही ओभरको अन्तिम बलमा राहुल त्रिपाठीले छक्का हानेर खेलको अन्त्य गरे । हैदरावादले ७२ बल बाँकी रहँदै ठूलो जित हात पारेको थियो । उसका लागि केन विलियम्सन १७ बलमा १६ रनमा अविजित रहे भने राहुल त्रिपाठीले तीन बलमा ७ रन बनाए ।
सनराइजर्स हैदरावादका कप्तान केन विलियम्सनले लगातार सातौं पटक टस जितेर ब्याटिङ रोजेका थिए । तर, उनले बेङ्लोरलाई ब्रेबोर्न स्टेडियममा पहिले ब्याटिङ गर्न बोलाए । विलियम्सनको निर्णय सही साबित भयो जब मार्क यान्सेनले कप्तान फाफ डु प्लेसिस र पूर्व कप्तान विराट कोहलीलाई दोस्रो ओभरको दुई बलमा आउट गरेर पेभिलियन पठाए । यसपछि उनले सोही ओभरको अन्तिम बलमा अनुज रावतलाई पनि आउट गरे ।
बैंग्लोरको टोली आठ रनमा तीन विकेट गुमाएर ब्याकफुटमा पुगेको थियो । जहाँ, ग्लेन म्याक्सवेलले इनिङ्सलाई अगाडि बढाउने अपेक्षा गरिएको थियो तर पाँचौं ओभरमा नटराजनले विलियमसनलाई क्याच आउट गराएर आरसीबीलाई ठूलो झटका दिए । सुयश प्रभुदेसाई र शाहबाज अहमदले इनिङ्सलाई अगाडि बढाउने प्रयास गरे तर जगदीश सुचितले एउटै ओभरमा सुयश र दिनेश कार्तिकलाई आउट गर्दै बैंग्लोरलाई पूर्णरूपमा घुँडा टेकाए ।
शाहबाजले पनि खासै केही गर्न सकेनन् र उनी पनि छिट्टै पेभिलियन फर्किए । हैदरावादका लागि मार्क यानसेन र नटराजनले ३–३ विकेट लिए भने जगदीश सुचितले २ विकेट लिए ।
आजको खेलः लखनउ सुपर जाइन्ट्सविरुद्ध मुम्बई इन्डियन्स – ७ः४५ बजे
