काठमाडौं । संकलकले यार्सागुम्बा मदिरासँग साट्ने गरेको पाइएको छ । मदिरा उठाउँदै कालोबजारी गर्न थालेका छन् । व्यापारीले सर्वसाधारण संकलकबाट यार्सागुम्बा हात पार्न र नाफा कमाउन लेकमा मदिरा लगेर बेच्ने गरेका हुन् ।
बझाङका सुर्मा र साइपाल गाउँपालिकाले यार्सागुम्बा पाइने चालावन, धनसेरी, राइढुंगी, विनायक नाङना, साइपाललगायत क्षेत्रलाई मदिरा निषेधित घोषणा गरे पनि व्यापारीले लुकिछिपी लैजाने सिलबन्दी तथा लोकल मदिरासँग संकलकले यार्सागुम्बा साट्ने गरेका छन् ।
‘दिनभर हिउँमा यार्सागुम्बा संकलन गरिन्छ । बेलुका चिसो हटाउन र थकान मेटाउन यार्सागुम्बासँग मदिरा साटेर पिइन्छ।’ साइपाल –१ का रामबहादुर बोहोराले भने, ‘सदरमुकाम चैनपुरमा २ सय ५० रुपैयाँमा पाइने एक क्वाटर भर्जिनलाई लेक क्षेत्रमा एक हजार २ सयभन्दा बढी पर्छ ।, समाचार नागरिक दैनिकले छापेको छ ।
