काठमाडौं । बुधबार दशरथ रङगशालामा भएको नेपाल र पाकिस्तानबीचको मैत्रीपूर्ण फुटबल हेर्ने एक भाग्यशाली दर्शकले विश्वकप हेर्ने आवसर पाएका छन् ।
अखिल नेपाल फुटबल संघ (एन्फा) केन्द्रीय कार्यालयको सभाहलमा गोलापर्थाद्वारा छनोट गर्दा ११२०० नम्बरका टिकटबाहकले विश्वकप हेर्ने आवसर पाएका हुन् ।
भाग्यशाली टिकटबाहकले कतारमा आयोजना हुने फिफा विश्वकप अन्तर्गत ब्राजिल र क्यामरुनबीचको खेलको टिकट पाउने भएका छन् ।
बुधबार भएको मैत्रीपूर्ण खेलमा करिव ७ हजार दर्शक उपस्थित रहेको थियो ।
विश्वकपको समूह जी मा रहेका ब्राजिल र क्यामरुनबीचको खेल मंसिर १६ गते हुनेछ ।
एन्फा प्रवक्ता सुरेश शाहले गोलापर्थाबाट छनोट भएका टिकटबाहकलाई एन्फामा सम्पर्क गर्न आग्रह गरेका छन् ।
