काठमाडौं। चलचित्र ‘एक्टरः टेक वन’ को ट्रेलर सार्वजनिक सार्वजनिक गरिएको छ। माघ १६ मा प्रदर्शन हुने यस चलचित्रको ट्रेलरले त्रिकोणात्मक प्रेमकथा र महत्वाकांक्षी पात्रहरूबीचको द्वन्द्वलाई प्रमुख विषय बनाएको छ।
राजन भुसालद्वारा निर्देशित यो चलचित्रमा प्रदीप खड्का, राजबल्लभ कोइराला, आना शर्मा, दिव्या रायमाझी स्टारर एक्सन-थ्रिलर फिल्म ‘एक्टर : टेक वान’को ट्रेलर सार्वजनिक भएको छ । तीन मिनेट रनटाइमको ट्रेलरले कथावस्तुबारे प्रकाश पारेको छ ।
‘परिचयबिनाको मान्छे त गल्लीको कुकुरजस्तो हो यार’ भन्ने संवाद र पृष्ठभूमिमा काठमाडौंको रात्रिकालीन दृश्यबाट ट्रेलर सुरु हुन्छ । ट्रेलर हेर्दा फिल्मको कथावस्तु प्रदीपको वरपर घुम्छ, जो एक महत्वाकांक्षी र पहिचानको लागि जेसुकै गर्न तयार हुने पात्र हो ।
ट्रेलरले प्रदीप खड्काको महत्वाकांक्षी चरित्रको कथा देखाउँछ, जसलाई आफ्नो लक्ष्य प्राप्त गर्न विभिन्न तगाराहरू पार गर्नुपर्छ । राजबल्लभ कोइराला ग्रे क्यारेक्टरमा देखिएका छन्, जसले षड्यन्त्र र द्वन्द्व सिर्जना गर्न भूमिका खेल्ने ट्रेलरले देखाउँछ । चलचित्रमा निश्चल बस्नेतको इन्ट्रीलाई ट्रेलरले सस्पेन्सपूर्ण बनाएको छ ।
चलचित्रमा प्रदीप, आना र दिव्यासँगै राजबल्लभ कोइराला, दिव्य देव, उषा रजक, सुशील सिटौलालगायतको प्रमुख भूमिका रहेको छ । राजनको यो डेब्यु निर्देशकिय सिनेमा हो । यस चलचित्रबाट अभिनेता कोइराला १० वर्षपछि ठूलो पर्दामा फर्किँदै छन् ।
दिव्या रायमाझीले यही चलचित्रबाट आफ्नो अभिनय यात्रा सुरु गरेकी छन् । दिव्या, चर्चित अभिनेता दिलीप रायमाझीकी छोरी हुन्, र उनी अमेरिकाबाट नेपाल फर्केर यो चलचित्रमा अभिनय गर्न थालेकी हुन् ।
