एजेन्सी । बंगलादेशका अलराउन्डर शकिब अल हसनले सन्यासको घोषणा गरेका छन् । उनले बिहीबार अचानक पत्रकार सम्मेलन बोलाएर आफ्नो अन्तिम टेस्ट दक्षिण अफ्रिकाविरुद्ध मिरपुरमा हुने बताए ।
उनी भारत भ्रमणमा बंगलादेशको टोलीमा छन्, यद्यपि उनको कानपुर टेस्ट खेल्नेमा शंका छ ।
३७ वर्षीय बंगलादेशी अलराउन्डरले भने, ‘मैले मेरो बोर्डलाई मिरपुरमा अन्तिम टेस्ट खेल्ने इच्छा व्यक्त गरेको छु । मेरो घर फर्किने प्रयास पनि गरिरहेका छन्, यदि त्यसो भएन भने भारतविरुद्धको कानपुर टेस्ट मेरो अन्तिम खेल हुनेछ ।’
लामो समयदेखि विवादित रहँदै आएका शकिबमाथि प्रदर्शनकारी विद्यार्थीको हत्या गरेको आरोप छ ।
शाकिब अल हसन विगत केही दिनदेखि सेन्ट्रल सेरस कोरियोरेटिनोप्याथीबाट पीडित छन् । यो एक अवस्था हो जसमा रेटिना मुनि तरल पदार्थ जम्मा हुन्छ । जसले दृष्टिमा बाधा पुर्याउँछ । यही समस्याका कारण भारतविरुद्ध चेन्नईमा खेलिएको पहिलो टेस्टमा शकिबले घाँटीमा कालो धागो लगाएका थिए र त्यसलाई मुखले थिचेका थिए ।
शकील यसै वर्ष सांसद बनेका थिए । उनी शेख हसिनाको सरकारमा मन्त्री थिए । देशमा हिंसात्मक प्रदर्शन भएपछि शेख हसिनाले आफ्नो पदबाट राजीनामा दिनुपरेको थियो । उनले पनि देश छाड्नुपर्यो ।
बंगलादेशका यी स्टार अलराउन्डर मैदानभित्र र बाहिर विवादका कारण बारम्बार चर्चामा रहन्छन् । यसै वर्षको अप्रिलमा उनको ग्राउन्ड स्टाफसँग झगडा भएको थियो । फोन खोस्ने प्रयास गर्दै थप्पड मार्ने धम्की समेत दिए । यसका साथै उनले विपक्षी टोलीका खेलाडी र अम्पायरसँग पनि धेरै पटक मैदानमा झगडा गरेका छन् ।
शकिबले ७० टेस्ट खेलमा ४ हजार ६०० रन बनाएका छन् भने २४२ विकेट लिएका छन् । यस्तै, एकदिवसीयमा उनले २४७ खेल खेल्दा ७ हजार ५७० रन र ३१७ विकेट लिएका छन् भने टी–२० आईमा १२९ खेल खेलेका उनले २ हजार ५५१ रन बनाउँदा १४९ विकेट लिएका छन् ।
