काठमाडौं । नेकपा (एमाले) को प्रथम विधान महाधिवेशन आजबाट सुरू हुँदैछ । ललितपुरको गोदावरीस्थित सनराईज सम्मेलन केन्द्रमा दिउँसो साढे १२ बजे अध्यक्ष केपी शर्मा ओलीले उद्घाटन गर्ने एमाले कार्यलय सचिब शेरबहादुर तमाङ्गले जानकारी दिनुभयो ।
उद्घाटन सत्रपछिको बन्दसत्रमा केन्द्रीय कमिटीको तर्फबाट अध्यक्ष ओलीले राजनीतिक प्रतिवेदन, महासचिव ईश्वर पोखरेलले संगठनात्मक प्रस्ताव र उप महासचिव विष्णुप्रसाद पौडेले विधान संशोधन प्रस्ताव प्रस्तुत गर्ने कार्यक्रम रहको छ ।
महाधिवेशनको दोस्रो दिन समूह छलफल गरी टोली नेताले समुहको दृष्टिकोण राख्नेछन् । तेस्रो दिन दस्तावेज प्रस्तोता हरुको समूह छलफलबाट आएका सुझाव एवं उठेका विषयहरूलाई एकिकृत गरिने छ ।
महाधिवेशनमा छ हजारभन्दा बढी प्रतिनिधिहरूको सहभागितामा हुनेछ। सनराईज सम्मेलन केन्द्रको मुख्य हलमा ३ हजार प्रतिनिधि र अरु लाई अन्य स्थानमा राख्ने तयारी भएको पनि तमाङ्गले जानकारी दिनुभयो ।
