काठमाडौं । नेपाली राष्ट्रिय क्रिकेट टिमका कप्तान सन्दीप लामिछाने ओडिआईमा ५० विकेट लिने पहिलो नेपाली बलर बनेका छन् ।
सन्दीपले पपुवा न्युगिनीविरुद्ध दोस्रो एकदिवसीय खेलमा विकेट लिँदै उक्त सफलता हात पारेका हुन् । सन्दीप २२ खेलमा ५० विकेट पूरा गर्न सफल रहे ।
ओडिआई विश्व क्रिकेटमा सर्वाधिक छिटो विकेट श्रीलंका पूर्व स्पिनर अजान्था मेन्डिसको नाममा छ । उनले १९ खेलमा ५० विकेट लिएका छन् ।
सन्दीप ओडिआईमा सर्वाधिक छिटो ५० विकेट पूरा गर्ने विश्वकै दोस्रो बलर बनेका छन् । सन्दीपले भारतीय पूर्व तीव्र गतिका बलर अजित अगरकरलाई पछि पारे । अगरकरले २३ खेलमा ५० विकेट पूरा गरेका थिए ।
