काठमाडौं । नेपाली कांग्रेसको सभापतिका लागि भएको निर्वाचनको मतगणना जारी छ । हालसम्म ११०० मतको गणना सकिएको छ । जसमा शेरबहादुर देउवाले ५२२ मत प्राप्त गर्नुभएको छ भने भने डा. शेखर कोइरालाले ४१९ मत प्राप्त गर्नुभएको छ ।
यस्तै प्रकाशमान सिंहले १०५, विमलेन्द्र निधिले १०५ र कल्याण गुरूङले ४ मत प्राप्त गर्नुभएको छ । नयाँ नेतृत्व चयनका लागि आइतबार भएको मतदानमा ४ हजार ६७९ मत खसेको थियो । जस अनुसार सभापतिमा जित्न २३४० मत आबश्यक पर्छ । ५१ प्रतिशत प्राप्त नभए धेरै मत ल्याउने दुई बिच प्रतिस्प्रर्धा हुने छ ।
