काठमाडौँ । इंग्लिस प्रिमियर लिग फुटबलमा एभर्टनले जित निकालेको छ ।
गएराति भएको खेलमा एभर्टनले टोटेनहमलाई ३–२ गोलले हराएको हो । घरेलु टोलिको जितमा डोमिनिक काल्भर्ट लेविन र इल्मान एन्डिएले एक–एक गोल गरे । एक गोल भने एभर्टनले उपहारस्वरुप पाएको थियो । पहिलो हाफको इन्जुरी समयमा टोटेनहमका आर्ची ग्रेले आत्मघाती गोल गरे ।
यता, ७७ औं मिनेटमा डेजान कुलुसेभ्स्की र ९०+२ मिनेटमा रिचार्लिसनले गोल फर्काएपनि टोटेनहमको हार टार्न सकेनन् ।
यो नतिजापछि २२ खेलबाट २४ अंक जोडेको टोटेनहम १५ औं तथा २० अंक जोडेको एभर्टन १६ औं स्थानमा छन् ।
यस्तै, गएराति नै भएको अर्को खेलमा नटिङहम फरेस्टले साउथह्याम्प्टनलाई ३–२ गोलले हरायो । नटिङहमको जितमा इलिओट एन्डर्सन, कालुम हड्सन ओडोइ र क्रिस वुडले गोल गरे । यता, जान बेड्नारेक र पल ओनाचुले गोल फर्काए पनि साउथह्याम्प्टनको हार टार्न सकेनन् ।
जितसँगै नटिङहम २२ खेलबाट ४४ अंकका साथ तालिकाको तेस्रो स्थानमा छ । साउथह्याम्प्टन ६ अंकका साथ पुछारमा छ ।
