काठमाडौँ: स्पेनले इतिहासमा दोस्रो पटक फिफा विश्वकप २०२६ को उपाधि जितेको छ। आइतबार भएको फाइनलमा स्पेनले अर्जेन्टिनालाई १–० ले पराजित गर्दै विश्वकपको उपाधि उचालेको हो।
स्पेनले खेलको सुरुदेखि अन्त्यसम्म दबदबा बनाए पनि गोलका लागि अतिरिक्त समयसम्म कुर्नुपरेको थियो। खेलको १०६औँ मिनेटमा फेरान टोरेसले निर्णायक गोल गर्दै स्पेनलाई विश्व च्याम्पियन बनाए।
निकोलस विलियम्सले पेड्रो पोरोको क्रसलाई हेडमार्फत तल झारेपछि टोरेसले पहिलो टचमै प्रहार गर्दै बललाई अर्जेन्टिनाको गोलपोस्टको माथिल्लो भागमा पुर्याएका थिए। त्यसअघि अर्जेन्टिनाका गोलरक्षक एमिलियानो मार्टिनेजले १२ वटा बचाउ गरिसकेका थिए।
गत संस्करणको विजेता अर्जेन्टिनाले नियमित समयको अन्त्यतिर एन्जो फर्नान्डेजलाई दोस्रो पहेँलो कार्डपछि गुमाएको थियो। त्यसका बाबजुद अर्जेन्टिनाले अन्तिमसम्म संघर्ष गर्यो। तर सन् २०१० को फाइनलमा जस्तै स्पेनले यसपटक पनि अतिरिक्त समयमा निर्णायक गोल गर्दै उपाधि जित्यो।
युरोप र दक्षिण अमेरिकाका च्याम्पियन तथा फिफा विश्व वरीयताका शीर्ष दुई टोलीबीच भएको फाइनलमा स्पेनले सुरुदेखि नै खेल नियन्त्रणमा राखेको थियो। पाँचौँ मिनेटमै लामिन यामालले पहिलो उल्लेखनीय अवसर सिर्जना गरे पनि मार्टिनेजले बचाउ गरेका थिए।
स्पेनले लगातार दबाब बनाए पनि अर्जेन्टिनाको गहिरो र अनुशासित रक्षापंक्तिका कारण पहिलो हाफमा गोल गर्न सकेन। अर्जेन्टिनाका दुवै सुरुआती सेन्टर ब्याक घाइते भएपछि टोलीको चुनौती थपिएको थियो।
अर्जेन्टिनाले फाइनलसम्मको यात्रामा १९ गोल गरेको भए पनि फाइनलको ९० मिनेटमा एकपटक पनि गोलतर्फ प्रहार गर्न सकेन। अतिरिक्त समयमा पनि मार्टिनेजले केही उत्कृष्ट बचाउ गरे। तर अन्ततः टोरेसको गोल नै स्पेनलाई दोस्रो पटक विश्व च्याम्पियन बनाउने निर्णायक क्षण बन्यो।
स्पेनले अर्जेन्टिनालाई अतिरिक्त समयमा १–० ले पराजित गर्दै दोस्रोपटक विश्वकपको उपाधि जितेको छ। २०१० मा आन्द्रे इनिएस्टा नायक बनेका थिए भने १६ वर्षपछि फेरान टोरेसले स्पेनका लागि निर्णायक भूमिका निभाए।
अमेरिकाको न्युयोर्कस्थित न्युजर्सी स्टेडियममा भएकाे खेलमा टोरेसले अतिरिक्त समयको १०६औँ मिनेटमा गरेको गोलसँगै स्पेनले को रूपमा ऐतिहासिक जित दर्ता गर्यो। अर्जेन्टिनाविरुद्धको रोमाञ्चक फाइनल जित्दै स्पेनले विश्वकपमा आफ्नो दोस्रो मुकुट पक्का गरेको हो।
