काठमाडौं । र्यापर भिटेनले शनिबार एक विज्ञप्ति जारी गर्दै असुविधा पुगेका सम्बन्धितहरू निकायहरूसँग माफी माग्दै 'पारा' गीत संशोधनसहित रिलिज हुने जनाएका छन् ।
उनको कार्तिक ८ गते रिलिज भएको गीतको शब्दका कारण विभिन्न निकाय र व्यक्तिप्रति ठेस पुग्न गएको गुनासो आएकाले सो गीत संशोधन गर्दै प्रकाशित गर्ने जनाएको छ। कार्तिक १३ गते सो गीत आधिकारिक च्यानलबाट हटाइएको थियो ।
त्यसैगरी पहिले रिलिज गरिएको गीतलाई अनिधिकृतरूपमा अपलोड नगर्न आग्रह समेत विज्ञप्तिमा गरिएको छ।
प्रहरीले गीतलाई लिएर आफूमाथि कारवाही गर्ने तयारी गरेपछि भिटेनको उक्त गीत बिहीबार साँझ प्राइभेट बनाइएको थियो।
