काठमाडौं । प्रतिनिधि सभा विघटनविरुद्ध सर्वोच्च अदालतमा परेका रिटहरूमाथिको आजको सुनुवाइ हेर्दाहेर्दैमा सकिएको छ । रिटहरूमाथि पुनः सोमबार सुनुवाइ हुने भएको छ।
प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासमा न्यायाधीशहरू सपना प्रधान मल्ल, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसी छन् ।
आजको सुनुवाइमा रिट निवेदकका तर्फबाट वरिष्ठ अधिवक्ताहरू दिनेश त्रिपाठी, सुनिल पोखेल, संविधानविद् भीमार्जुन आचार्य लगायतले बहस गरेका थिए ।
प्रधानमन्त्री केपी शर्मा ओलीले पुस ५ गते प्रतिनिधि सभा विघटन गरेका थिए। उक्त कदमविरूद्ध सर्वोच्चमा मुद्दा विचाराधीन छ। उक्त मुद्दाबारे आजदेखि निरन्तर सुनुवाइ सुरू भएको थियो।
संविधानविद् भीमार्जुनले प्रधानमन्त्रीले संसद विघटन गर्ने विषयमा संविधानले 'व' समेत उच्चारण नगरेको तर्क गरेका थिए।
