पोखरा । गण्डकी प्रदेशका नवनियुक्त मुख्यमन्त्री खगराज अधिकारीले आज दिउँसो साढे तीन बजे शपथ लिने कार्यक्रम रहेको छ ।
नेता अधिकारीले एमालेका २२, नेपाल कम्युनिष्ट पार्टी (माओवादी केन्द्र)का आठ (सभामुखसहित) र एक स्वतन्त्र गरी ३१ प्रदेशसभा सदस्यको समर्थनमा मुख्यन्त्रीमा नियुक्त भएका हुन् ।
अधिकारीले शपथसँगै ३ सदस्यीय मन्त्रिपरिषद गठनको तयारी समेत गरेका छन् । उनले माओवादीबाट १ जना र दीपक मनाङेलाई मन्त्री बनाउने तयारी गरेका छन् ।
मनाङेले चैत महिनामा मात्र दोस्रो पटक मन्त्रीको शपथ खाँदैछन् । मनाङे यही चैत ५ गते निवर्तमान मुख्यमन्त्री सुरेन्द्रराज पाण्डे सरकारमा भौतिक पूर्वाधार मन्त्री बनाएका थिए । आज मनाङे पाँचौँ पटक मन्त्री बन्न लागेका हुन् ।
