काठमाडौं । स्पेनीस फुटबल क्लब रियल मड्रिड च्याम्पियन्स लिगको क्वाटरफाइनलमा प्रवेश गरेको छ ।
गएराति भएको अन्तिम-१६ को दोस्रो लेगको खेलमा जर्मन क्लब आरबि लाइप्जिगसँग १-१ गोलको बराबरी खेलेपनि रियलले समग्रमा २-१ को जित निकाल्दै अन्तिम ८ मा स्थान बनाएको हो ।
रियलको घरेलु मैदानमा भएको खेलमा ६५ औं मिनेटमा भिनिसियस जुनियरले गोल गर्दै रियललाई सुरुवाती अग्रता दिलाएका थिए । ६८ औं मिनेटमा ओर्बानले गोल गर्दै लाइप्जिग बराबरीमा ल्याएपनि समग्रमा रियल विजेता बन्यो ।
यसअघि लाइप्जिगको घरेलुु मैदानमा रियलले १-० गोलको जित निकालेको थियो ।
