एजेन्सी । हामी जेलको नाम सुन्ने बित्तिकै दुई समयको सुकेको रोटी र सानो कोठामा थुनिएको कठिन जीवन सम्झन्छौं । तर के तपाईलाई थाहा छ संसारमा यस्ता जेलहरु छन्, जहाँ कैदीहरुले धेरै सुविधाहरु पाउँछन् । यी कारागारहरूमा सायद कैदीले सजाय काट्न पछुताउनु पर्दैन ।
सामान्यतया कारागारमा कैदीहरूलाई दिनमा तीन छाक खाना र एउटा बाथरुम दिइन्छ, जुन निकै फोहोर हुन्छ । तर आज हामी तपाईलाई संसारका यस्ता जेलको बारेमा बताउन गइरहेका छौँ, जहाँ कैदीहरूलाई व्यक्तिगत कोठामा जस्तै सबै सुविधा दिइन्छ ।
बास्टोय जेल – नर्वे
यो जेल नर्वेको ओस्लोफजोर्डको बास्टोय आइल्याण्डमा बनेको छ । जहाँ सयभन्दा बढी कैदीहरू राखिएका छन् । कैदीहरूलाई दिने सुविधाका लागि यो कारागार प्रसिद्ध छ । कैदीबन्दीका मनोरञ्जनका लागि पनि धेरै सुविधा छन् । यसमा टेनिस, घोडसवारी, माछा मार्ने र घाम नुहाउने जस्ता सुविधाहरू छन् । यहाँ थोरै सुरक्षा गार्डका कारण कैदीबन्दीलाई जेल जस्तो पनि लाग्दैन ।
एचएमपी एड्डीवेल – स्कटल्याण्ड
यो जेललाई लर्निङ जेल पनि भनिन्छ । वास्तवमा, यहाँ कैदीहरूलाई हप्ताको ४० घण्टा कुनै न कुनै सीप सिकाइन्छ । जसले गर्दा कैदीहरू कारागारबाट बाहिरिएपछि राम्रो जीवनयापन र राम्रो आम्दानी गर्न सक्षम बन्न सकून् । त्यसैले यहाँ सात सयभन्दा बढी कैदीलाई तालिम दिइन्छ । यो संसारको उत्कृष्ट जेल मध्ये एक हो ।
ओटागो करेक्शन फ्यासिलीटी – न्यूजिल्याण्ड
यस कारागारमा कैदीबन्दीको सीप विकासमा जोड दिइन्छ । यहाँ तिनीहरूलाई आरामदायी कोठा, र सबै सुविधाहरू प्रदान गरिएको छ । यहाँबाट छुटेपछि हरेक कैदीले कुनै न कुनै काममा दक्ष भएर राम्रो जीवन बिताउने प्रयास जेलको तर्फबाट भइरहेको छ ।
जस्टिस सेन्टर लोबेन – अस्ट्रिया
यहाँ प्रत्येक कैदीको व्यक्तिगत कोठा छ, जसमा एक निजी बाथरूम पनि उपलब्ध छ । यति मात्र होइन, किचन र टिभीको सुविधा पनि छ । यसबाहेक कैदीहरूको जिम र बास्केटबल कोर्ट पनि छ ।
आरान्जुएज जेल – स्पेन
यो जेल यति विशेष छ कि यसलाई मानवताको उत्कृष्ट उदाहरण मान्न सकिन्छ । वास्तवमा, साना बच्चाहरू भएका कैदीहरू पनि यहाँ आफ्नो परिवारसँग बस्न सक्छन् । यति मात्र होइन, कुनै पनि कैदीलाई आफ्नो अभिभावकत्वबाट वञ्चित गर्न नपरोस् भनेर बालबालिकाका लागि विद्यालयको सुविधा पनि छ ।
