काठमाडौं । आईसीसी विश्वकप लिग–टू अन्तर्गतको त्रिकोणात्मक सिरिजमा सहभागी हुन यूएई गएको नेपाली टोली आज स्वदेश फर्कदैछ । लिग–टू को अन्तिम विदेशी सिरिज सकेर नेपाली टोली स्वदेश फर्कन लागेको हो ।
नेपाली टोली आज साँझ ६ बजे त्रिभुवन अन्तराष्ट्रिय विमानस्थल आईपुग्ने नेपाल क्रिकेट संघ(क्यान)ले बताएको छ ।
यूएई भ्रमणका क्रममा नेपालले चार खेलमध्ये तीन खेलमा जित हात पारेको थियो । नेपालले पीएनजी र घरेलु टोली यूएईसँग समान २/२ खेल खेलेको थियो । जसमा नेपालले पीएनजीसँग दुई र यूएईसँग एक खेल जितेको थियो ।
नेपालले अब बाँकी रहेको चार खेल घरेलु मैदान टियुमा खेल्नेछ । नेपाल शीर्ष तीनमा रहँदै सोझै विश्वकप छनोट खेल्न बाँकी सबै खेल जित्नुपर्ने हुन्छ । यस्तै, ओडिआई मान्यता कायम राख्न भने चार मध्ये दुई खेल जिते पुग्छ ।
