हरेक वर्ष जाडो मौसम शुरु भएसँगै वायु प्रदुषण पनि बढ्न थाल्छ । यो वर्ष पनि मौसम चिसिँदै जाँदा प्रदुषण पनि दिन प्रतिदिन बढीरहेको छ । जाडो मौसममा हावा पनि चिसो हुन्छ । चिसो हावाको घनत्व बढी भएकाले तातो हावा जस्तो सहजै उडेर जान सक्दैन । चिसो हावाको माथिल्लो तहमा तातो हावा हुन्छ । यसरी चिसो र तातो हावाको तहले प्रदुषणलाई यही वायुमण्डलभित्रै अवरोध सिर्जना गर्छ । जसले गर्दा जाडो मौसममा प्रदुषण बढी हुने गर्छ । यसरी चिसो मौसममा बढी प्रदुषण हुँदा धुम्रपान नगर्नेहरुमा पनि फोक्सोको क्यान्सर बढ्ने विज्ञ बताउँछन् ।
प्रदूषणले गर्दा मानिसमा एलर्जी मात्रै नभएर हृदयघात, मधुमेह नियन्त्रण नहुने जस्ता समस्या देखिने गर्छन् । यो बेलामा मानिसहरु आफैँले बुझेर पनि वातावरणको सरसफाईमा ध्यान दिनुपर्ने हो । आम मानिसहरुलाई यसको पर्वाह छैन, जसकारण पनि अहिले वायु प्रदुषण काठमाडौंसहित देशका विभिन्न शहरमा खतरा बन्दै गएको छ । काठमाडौं उपत्यकामा यतिबेला वायु प्रदुषण बढेको छ । नदी, सडक र गल्लीहरुमा सरसफाई हुन सकेको छैन ।
जसकारण पनि यसको प्रत्यक्ष असर आम सर्वसाधारणमा परिरहेको छ । वायुमण्डलमा धुवाँ तथा धुलोको मात्रा बढी हुँदा आकाश नै तुवाँलोले ढाकेको छ । अझै पनि सर्वसाधारण नागरिकहरु नै यसमा चनाखो भएर वातावरण सरसफाईमा नलाग्ने हो भने वायु प्रदुषणले झनै खतराको तह पार गर्ने निश्चित छ ।
सबैभन्दा पहिला जथाभावी फोहोर फाल्ने बानी हटाउनु पर्छ । नदीनाला, सार्वजनिक जग्गा, सडकहरुमा फोहोर फाल्ने बानी हटाउनसके मात्रै पनि केही मात्रामा प्रदुषणलाई कम गर्न सकिन्छ । वायु प्रदुषणलाई रोक्न पुराना र थोत्रा सवारीसाधनहरुको प्रयोगमा पनि नियन्त्रण गर्न जरुरी छ । आजको फोटोफिचरमा न्युज एजेन्सी नेपालका फोटो पत्रकारले कैद गरेका यी तस्बिरहरु ।
ललितपुरको झरुवाराशीको ईटा भट्टा धुवा फक्दै ।
लेलेको पहाडमा प्रदुषण ।
भैसेपाटी सडकमा उडेको धुलो ।
राजदल गणमा कवाज सेनाले देखाउने क्रममा उडेको धुलो ।
विष्णुमती नदि वरपर फ्याकिएको फोहोर ।
कालीमाटी तरकारी बजारको फोहोरको थुप्रोमा आराम गर्दै युवक ।
कुलेश्वर तरकारी बजारछेउमा फ्याकिएको फोहोर ।
काठमाडौं कालीमाटी शहरबीचमा थुपारिएको पुराना गाडीहरुको डंगुर ।
ललितपुरको सुनाकोठी सडकमा धुलाम्मे बनेको कार ।
साँझपख पशुपतिको आकाशमा देखिएको धुँवाको मुस्लो ।
काठमाडांैंका देखिएको धुलोका कण ।
काठमाडौंको तिनकुनेमा बगेको वागमतीसँगै ढल ।
दक्षिण ललितपुरको कालेश्वर पहाडमा वायु प्रदुषण ।
कटुवाल दहमा फोहोरका कारण वागमतीमा बनेको फिज ।
बल्खु सडकमा उडेको धुलो ।
