काठमाडौं । नेपाली कांग्रेस संसदीय दलको प्रमुख सचेतकमा चित्रखेला यादव र सचेतकमा मीन विश्वकर्मा मनोनीत भएका छन् ।
संसदीय दलका नेता एवं प्रधानमन्त्री शेरबहादुर देउवाले उहाँहरूलाई मनोनीत गर्नुभएको हो ।
कांग्रेसको प्रमुख सचेतक बालकृष्ण खाण गृहमन्त्री नियुक्त हुनुभएपछि सो पद खाली थियो । त्यस्तै सचेतक पुष्पा भुसाल भर्खरै उपसभामुखमा निर्वाचित भएपछि सो पद पनि रिक्त रहेको थियो ।
यादव र विश्वकर्मा दुवै कांग्रेस केन्द्रीय सदस्य हुनुहुन्छ ।
