काठमाडौं, भदौ १५ : चिनियाँ रेडक्रस सोसाइटीले मानवीय सेवामा सहयोग पुर्याउने उद्देश्यले राष्ट्रिय विपद् जोखिम न्यूनीकरण तथा व्यवस्थापन प्राधिकरण (एनडीआरआरएमए) लाई दुई हजार थान शव राख्ने झोला सहयोग गरेको चिनियाँ दूतावासले जनाएको छ।
चिनियाँ दूतावासका अनुसार उक्त सहयोग सामग्री आज, अगस्ट ३१ मा त्रिभुवन अन्तर्राष्ट्रिय विमानस्थलमा आइपुगेको हो।
सहयोग सामग्रीको कुल मूल्य करिब २२ लाख ७० हजार रुपैयाँ रहेको छ। उक्त सहयोगले नेपालको जारी मानवीय तथा विपद् प्रतिकार्य प्रयासमा सहयोग पुग्ने अपेक्षा गरिएको छ।
