काठमाडौँ । मुटु नै कमाउने चिसो पहाडको पदमार्गहरुमा बिकिनी लगाएर यात्रा गर्ने ताइवानी एक पदयात्रीको मृत्यु भएको छ ।
मृत्यु हुनेमा ताइवानको पदयात्री ३६ वर्षकी गिगी वू हुन् । उनि बिकिनीमा पदयात्रा गरेर सेल्फी पोष्ट गरेर चर्चामा आएकी थिईन ।
ति युवति पदयात्राकै क्रममा ६५ फिट गहिरो खाडलमा खसेर चिसोका कारण मृत्यु भएको ताइवानका मिडियाले जनाएको छ । मिडियाका अनुसार गिगी ताइवान राष्ट्रिय निकुञ्जभित्र मृत अबस्थामा भेटिएकी थिईन् ।
गिगी ताइवानको युशान पहाडको २५ दिने पदयात्रामा थिइन् । जनवरी ११ मा उनी एक्लै पहाड चढ्न सुरु गरेकी थिइन् ।
पहाडबाट तल खोँचमा खसेर गम्भीर घाइते भएकी गिगीले १९ जनवरीका दिन स्याटेलाइट फोनमार्फत कल गरी आफ्ना साथीहरुसँग गुहार मागेकी थिइन् ।
चिसोका कारण मृतक गिगी को लास जमेको अवस्थामा पाइएको थियो । सोमबार उनको शव खोँचबाट बाहिर निकालिएको थियो ।
यसअघि पनि गिगी विभिन्न समयमा पदयात्राका क्रममा घाइते हुने गरेकी थिइन् । गत क्रिसमसका बेला समेत उनी दुर्घटनामा बालबाल बँचेकी थिइन् । तर यो पटक उनलाई भाग्यले साथ दिएन र पहाडको खोँचमा ज्यान गुमाउन पुगिन् ।
