एजेन्सी । भेनेजुएलाका राष्ट्रपति निकोलस मादुरो पक्राउ परेपछि उनको एउटा तस्बिर सामाजिक सञ्जालमा निकै भाइरल भयो।
उक्त तस्बिरमा मादुरो ग्रे रंगको नाइकी ब्रान्डको फ्लीस ट्र्याकसुट लगाएको अवस्थामा देखिएका थिए। तस्बिर भाइरल भएसँगै मानिसहरूको ध्यान उनको पहिरनतर्फ गयो।
मानिसहरूले मादुरोले लगाएको ट्र्याकसुट कुन हो भनेर खोज्न थाले। यो नाइकीको फ्लीस ट्र्याकसुट भएको थाहा पाएपछि धेरैले त्यसलाई किन्न थाले। छोटो समयमै यस ट्र्याकसुटको माग तीव्र रूपमा बढ्यो र धेरै ठाउँमा यसको स्टक सकियो।
यस ट्र्याकसुटका लागि कम्पनीले कुनै विज्ञापन गर्नुपरेन। सामाजिक सञ्जालमा भाइरल भएको तस्बिर नै यसको प्रचार बन्यो। विशेषगरी ग्रे रंगको ट्र्याकसुट सबैभन्दा बढी रुचाइएको देखियो।
अन्य रंगका ट्र्याकसुट बजारमा उपलब्ध भए पनि ग्रे रंगको ट्र्याकसुट अधिकांश ठाउँमा आउट अफ स्टक भइसकेको छ।
