काठमाडौं । आज संवैधानिक इजलासमा सभामुख अग्नि प्रसाद सापकोटाविरुद्धको हत्या अभियोगको मुद्दा सुनुवाइ हुँदैछ । सभामुखविरुद्धको सुनुवाइ पहिलो नम्बरमै पेसीमा राखिएको छ । न्यायाधीशहरु दीपककुमार कार्की, मीरा खड्का, हरिकृष्ण कार्की र ईश्वर प्रसाद खतिवडा प्रधानन्यायाधीश चोलेन्द्र शमसेर जबरा नेतृत्वको इजलासमा रहेका छन् ।
माओवादी युद्धका बेला अपहरणपछि मारिएका काभ्रेका अर्जुन लामाको हत्यामा सापकोटा प्रमुख दोषी रहेको भन्दै मुद्दा परेको थियो । मृतक लामाकी पत्नी पूर्णिमाया लामाले २०६९ मंसिर ७ गते आफ्ना पतिको हत्यामा सापकोटाको हात रहेको भन्दै तत्काल कर्तव्य ज्यानमुद्दा अघि बढाउन माग गर्दै मुद्दा दायर गरेकी थिइन्।
यता मानव अधिकारकर्मी सुशील प्याकुरेललगायतले पनि २०६८ असार ६ गते नै दर्ता गरेका थिए । द्वन्द्वकालीन मुद्दामा पटक पटक पेसी चढ्दै आएको छ ।