काठमाडौं । नेकपा एमाले विधान महाधिवेशनको पूर्वसन्ध्यामा छ ।
एमालेले १५–१७ असोजमा ललितपुरको गोदावरी अन्तर्राष्ट्रिय सम्मेलन केन्द्रमा विधान महाधिवेशन गर्दैछ ।
यसैबीच पार्टी अध्यक्ष केपी शर्मा ओली महाधिवेशन स्थलको अवलोकन गर्न बुधबार दिउँसो सम्मेलन केन्द्र पुगेका छन् ।
महाधिवेशनमा करिब पाँच हजार सहभागी हुनेछन् । उनीहरूलाई सम्मेलन केन्द्रभित्र र बाहिर राख्ने व्यवस्था मिलाइएको छ ।
सम्मेलन केन्द्रको हलमा दुई हजार आठ सय ४० जनामात्रै अट्नेछन् र बाँकीलाई बाहिर बस्ने व्यवस्था मिलाइएको छ ।
महाधिवेशनमा करिब तीन सय स्वयंसेवक खटिने एमालेले जनाएको छ ।
