सिड्नी, ९ मंसिर । भारतले अस्ट्रेलियालाइ तेस्राे तथा अन्तिम टीट्वान्टी क्रिकेटमा ६ विकेटले पराजित गरेकाे छ । याे जितसँगै दुवै देशले एकएक खेल जितेका छन् । दाेस्राे खेल वर्षाका कारण रद्द भएकाे थियाे ।
टस जिती पहिले ब्याटिङ गरेकाे अस्ट्रेलियाले निर्धारित २० अाेभरमा छ विकेट गुमाएर १६४ रनकाे मध्यम स्काेर खडा गरेकाे थियाे । अस्ट्र्रेलियाका लागि डी सर्टले ३३, अाराेन फिन्चले २८, ए क्यारीले २७, स्टाेवाइनिसले २५ रनकाे याेगदान दिएका थिए ।
अस्ट्रेलियालाइ सस्तैमा समेट्ने क्रममा भारतीय बलर क्रुनाल पान्ड्याले ३६ रन दिएर ४ विकेट लिएका थिए ।
जवाफमा भारतीय कप्तान विराट काेहलीले अविजित ६४ रन बनाउनुका साथै अाेपनर राेहित शर्मा (२३) र शिखर धवन (४१ रन) उत्कृष्ट सुरूअात गरेका थिए । भारतले १९.४ अाेभरमा ४ विकेटकाे क्षतिमा १६८ रन बनाएकाे थियाे ।
भारतीय ब्याट्सम्यानका अघिल्तिर अस्ट्रेलियाली बलरहरू फिक्का देखिएका थिए ।
भारतीय बलर क्रुनाल म्यान अफ द म्याचकाे उपाधि जितेका थिए ।
