बंगलादेशले अस्ट्रेलियाको डार्बिनमा खेलिएको पहिलो टेस्टमा आयोजक अस्ट्रेलियालाई उसकै भूमिमा ९ विकेटको फराकिलो अन्तरले हराएर इतिहास रचेको छ ।
अस्ट्रेलियामा सम्पन्न टेस्टमा बंगलादेशको यो पहिलो विजय हो । यसअघि अस्ट्रेलियालाई बंगलादेशले गृहमैदानमा नौ वर्ष अघि हराएको थियो । विगत २३ वर्षअघि टेस्ट क्रिकेटमा पदार्पण गरेको बंगलादेशले अस्ट्रेलियामा तीन पटक मात्र टेस्ट खेलेको इतिहास छ ।
टस जितेर पहिले ब्याटिङ गरेको अस्ट्रेलियाली टिम पहिलो इनिङमा १९८ रनमै अलआउट भएको थियो भने दोस्रो इनिङमा पनि २८४ रनको झिनो स्कोर बनाएर पभेलिएन फर्किएको थियो ।
तर बंगलादेशले पहिलो इनिङमा ४२६ रन बनाएर राम्रो अग्रता कायम गरेको थियो । बंगलादेशका लागि पहिलो इनिङमा तान्जिद हसनले १०१ रनको शतकीय पारि खेलेका थिए । साथै, कप्तान नजमुल सान्तोले ८४, मेहदी हसनले ६५, मोमिनुल हकले ४९ रनको महत्वपूर्ण इनिङ खेलेका थिए ।
अस्ट्रेलियालाई सस्तैमा रोक्ने क्रममा बंगलादेशका बलरहरु सफल रहेका थिए । पहिलो इनिङमा हसन महमुदले ६ विकेट लिएका थिए भने दोस्रो इनिङमा पनि ३ विकेट लिएर अस्ट्रेलियालाई दबाबमा पारेका थिए । अर्का बलर मेहदी हसनले दोस्रो इनिङमा ५ विकेट लिएका थिए ।
अब बंगलादेश र अस्ट्रेृलिया बिचको दोस्रो तथा अन्तिम टेस्ट अगस्ट २२ मा म्याकेमा हुनेछ । Agency
