२६ आश्विन २०८१, शनिबार
,
Latest
नेपाल पराजित, काभा भलिबलको उपाधि उज्वेकिस्तानलाई राष्ट्रपतिको हातबाट टिका ग्रहणका लागि पुगे उच्चपदस्थ अधिकारी र सर्वसाधारण (तस्बिरहरू) पूर्वराजाबाट दशैँको टिका लगाउन सर्वसाधारणको भीड (तस्बिरसहित) प्रधानमन्त्रीबाट मानवसेवा आश्रमको राष्ट्रिय उद्वार यात्राको शुभारम्भ नेपालबाट बाहिरियो मनसुन करेन्ट लागेर दुई बालिकाको मृत्यु राष्ट्रपति पौडेलद्वारा सर्वसाधारणलाई टीका र जमरा प्रदान कालिका मन्दिरमा चार लाख दर्शनार्थी धोनीलाई कप्तानी गरेका आईपिएल टोली चेन्नईका राजिव पोखरा एभेन्जर्सको मुख्य प्रशिक्षकमा नियुक्त सौराहामा टीका र जमरा थाप्दा बाह्य पर्यटक दङ्ग
तपाईं के खोज्दै हुनुहुन्छ ?

बार्सिलोनामा मेस्सीको संन्यासपछि…



अ+ अ-

काठमाडौं । बार्सिलोनाका अध्यक्ष जोसेप मारिया बार्टोमेउले लियोनेल मेस्सीको संन्यासपछि क्लबको भविष्यलाई ध्यानमा राखेर क्लबले खेलाडीहरू किन्ने काम गरिरहेको बताएका छन् ।

बार्साले अघिल्लो महिना आयाक्सका २१ वर्षीय मिडफील्डर फ्रेन्की डी जोङलाई भित्र्याउने पुष्टि गरेको थियो ।

एकतीस वर्षीय मेस्सीले बार्सिलोनाका लागि खेलेको ६६४ खेलमा ५८१ गोल गरेका छन् ।

‘एक दिन लियोनेलले म संन्यास लिँदैछु भन्नेछन्,’ बार्टोमेउले फूटबल डेली पोडकास्टका पत्रकार गिलेम बलागलाई बताए ।

मेस्सीले क्लबसँग गरेको अहिलेको सम्झौतामा अझै दुई वर्ष बाँकी छ र उनले संन्यास लिने समय बाँकी नै छ ।

तर २५ पटक ला लिगा उपाधि जितेको बार्साले निरन्तर सफलताका लागि नयाँ खेलाडीहरू भित्र्याउने अवसर खोजिरहेको छ ।

‘हामीहरूले क्लबलाई भविष्यका लागि तयार राख्नुपर्नेछ,’ बार्टोमेउले थपे । उनी सन् २०२१ मा क्लबको अध्यक्ष पदबाट हट्दैछन् ।

‘हामीहरू राम्रा जवान खेलाडीहरू टीममा भित्र्याउँदैछौं किनकि हामी सफलताको यो युगलाई निरन्तरता दिन चाहन्छौं । त्यो हाम्रो जिम्मेवारी हो । मेरो कार्यकाल दुई सीजनमा सकिन्छ । त्यसैले मैले क्लबलाई गजबको अवस्थामा छोड्नुपर्ने हुन्छ र नयाँ अध्यक्षले हेर हाम्रो विरासत भन्नुपर्ने हुन्छ ।’

सन् २०१७ मा मेस्सीले बार्सासँग नयाँ सम्झौता गरेर आफ्नो करीयर घरमै सक्ने सपना पूरा गर्न लागेको बताएका थिए ।

मेस्सीले बार्सिलोनामा खेल्दै नौवटा ला लिगा उपाधिका साथै चारवटा च्याम्पियन्स लीग र ६ वटा कोपा डेल रे उपाधि जिताएका छन् ।

बीबीसीबाट