यूएई । संघीय मामिला तथा सामान्य प्रशासन मन्त्री लालबाबु पण्डितलाई नेपाली दूतावास आबुधाबीमा आयोजित कार्यक्रममा नेपाली नागरिकले व्यङ्यमिश्रित प्रश्न सोधेका छन् ।
शनिवार यूएईमा मन्त्री पण्डितलाई नेपालीहरुले, ‘साइकलले पनि तेल खाँदो रहेछ, कस्तो साइकल हो मन्त्रीज्यू ?’ भनेर सोधेका थिए । त्यसको जवाफस्वरुप मन्त्री पण्डितले आफ्नो निजी सवारी साधनको रुपमा आफूसँग साइकल अहिले पनि भएको बताएका हुन् ।
पण्डितले कतिपय सञ्चार माध्यमले आफू र सरकारलाई निचा देखाउन गर्दै नगरेको कामको बिरोध गर्दै समाचार लेख्ने गरेको आरोप लगाएका छन् ।
मन्त्री पण्डितले विषय नै नपाएका कतिपय सञ्चारमाध्यमले मन्त्रालयको पुरै खर्च जोडेर मन्त्रीले गरेको भन्दै सरकार र मन्त्रीलाई निचा देखाएर मनोरञ्जन लिने गरेको आरोप लगाएका हुन् ।
उनले यस्तो भ्रम सृजना गर्ने सञ्चार माध्यमको पछि नलाग्न आग्रह समेत गरेका छन् ।
