रेलवेको एक प्लेटफर्ममा लता मंगेशकरको गीत ‘एक प्यारका नगमा हे’ गीत गाएको भिडियो भाइरल भएपछि सामाजिक संजालमा चर्चित भएकी रानू मण्डल गायिकाको रुपमा बलिउडमा स्थापित हुन तयार छिन् ।
मण्डलको भिडियो २८ जुलाईमा ‘बरपेटा टाउन द प्लेस अफ पीस’ नामको फेसबुक पेजबाट साझा गरिएको थियो । जुन भिडिउयोले अहिलेसम्म ४० लाख बढी दर्शकको माया पाईसकेको छ । तर कुरा त्यतिमै सिमि रहेन, रानूलाई रेलवे स्टेशनबाट उठाएर सिधै बलिउडको गीतमा प्रवेश गराएका छन् संगीतकार–अभिनेता हिमेश रेशमियाले ।
जसकारण उनका फ्यानहरुले उनको निकै प्रसंशा पनि गरेका छन् । संगीतकार–अभिनेता हिमेश रेशमियाले मण्डलसँग ‘तेरी मेरी कहानी’ शीर्षकको गीत रेकर्ड गरी सकेकी छिन् । हिमेशका अनुसार यो गीत उनको आगामी फिल्म ‘ह्पाप्पी हार्डी एण्ड हीर’ मा राखिने बताईएको छ ।
रेशमियाले रानूसँग आफ्नो रेकर्डिङको क्रममा बनाएको भिडियो साझा गर्दै लेखे, ‘यदि हामीसँग आफ्नो सपना पूरा गर्ने क्षमता छ भने सबै सपना साकार हुनसक्छ । एक सकारात्मक धारणाले वास्तवमा सपनालाई साकार पार्न सक्छ । तपाईंको प्रेम र समर्थनका लागि धन्यवाद ।’
