निर्मल निवासबाट बिहीबार जारी सद्भाव सन्देशमा पूर्वराजा शाहले उक्त घटनाको असर फैलिँदै जाँदा कोशी क्षेत्रसहित तराईका विभिन्न भूभागको जनजीवन अशान्त बनेको भन्दै चिन्ता व्यक्त गर्नुभएको हो।
उहाँले नेपाल बहुजातीय, बहुभाषिक तथा विभिन्न धर्म, संस्कृति र परम्परा भएको मुलुक भएकाले नेपाली समाजको मौलिक विशेषता र गौरवलाई जोगाउनुपर्ने बताउनुभएको छ। समाजमा विद्यमान धार्मिक, सांस्कृतिक तथा सामाजिक सद्भावमा कसैबाट पनि खलल पार्ने काम हुन नहुने उहाँको भनाइ छ।
‘समाजका सबै समुदायमा सामञ्जस्य रहेको देशका रूपमा सुपरिचित नेपालमा यस प्रकारका अवाञ्छित घटना र दुर्घटना घट्नु चिन्ताको विषय हो,’ सन्देशमा भनिएको छ।
पूर्वराजा शाहले जुनसुकै भूभागमा रहे पनि सबै नेपाली मिलेर बस्न आग्रह गर्दै आपसी सद्भाव कायम गर्नु आजको आवश्यकता भएको बताउनुभएको छ।
