काठमाडाैँ । सुनसरीको कप्तानगञ्जमा भएको घटनाको प्रभाव सिरहामा समेत देखिएको छ । सिरहामा दुई समूहबीच झडप हुँदा ११ वटाभन्दा बढी मोटरसाइकलमा आगजनी गरिएको छ ।
आगलागीबाट सबै मोटरसाइकल पूर्णरूपमा नष्ट भएका छन् । गोलबजार नगरपालिकाको दमकल प्रयोग गरी आगलागी नियन्त्रणमा लिइएको जनाइएको छ ।
घटनापछि स्थानीय प्रशासनले सम्बन्धित क्षेत्रमा कर्फ्यु आदेश जारी गरे पनि सडकमा प्रदर्शन भने रोकिएको छैन । स्थिति नियन्त्रणमा लिन सुरक्षाकर्मी परिचालन गरिएको छ भने घटनापछि त्यस क्षेत्रमा तनावको अवस्था कायम रहेको छ ।
