काठमाडौं। काठमाडौंको मुटुमा रहेको वसन्तपुर दरबार क्षेत्र केवल ऐतिहासिक स्मारकहरूको सङ्ग्रहालय मात्र होइन । यो यहाँका पुराना क्युरियो पसलहरूका माध्यमबाट जीवन्त कला र संस्कृतिको संरक्षक पनि हो ।
दशकौंदेखि यी पसलहरूले नेपालको पहिचानलाई विश्वमाझ पुर्याउँदै आएका छन् । यहाँका धेरैजसो व्यवसायीहरू पाँच–छ पुस्तादेखि यही थलोमा व्यापार गर्दै आएका छन् । जसले व्यापारलाई मात्र होइन, संस्कृतिलाई पनि पुस्तान्तरण गरिरहेका छन् ।
यी सामग्रीहरूमा नेपाली कला र कौशलको त्यो जादु छ । जसले जोसुकैलाई पनि मन्त्रमुग्ध बनाउँछ । यहाँ पाइने सामग्रीहरू प्रायः नेपाली हातहरूले नै बुनेका र कुँदेका उत्कृष्ट हस्तकला, मूर्तिकला र मौलिक गरगहनाहरू हुन् ।
सजावट र उपहारका लागि मात्र नभई आफ्नो मौलिकता जोगाउन नेपालीहरूले यी हस्तकलाका सामग्रीहरू खरिद गर्ने क्रम बढ्दो छ । कुनै समय विदेशी पर्यटकको मात्र रोजाइमा पर्ने यी क्युरियो पसलहरूमा अचेल नेपाली ग्राहकहरूको चहलपहल पनि लोभलाग्दो गरी बढ्न थालेको छ ।
समय फेरिएको छ, ग्राहक फेरिएका छन् तर वसन्तपुरका यी क्युरियो पसलहरूले बोकेको नेपाली कलाको सुगन्ध र पुस्तान्तरणको विरासत अझै पनि उत्तिकै सुदृढ छ । आजको फोटो फिचरमा न्युज एजेन्सी नेपालका फोटो पत्रकार अनुप प्रधानले कैद गर्नुभएका यि तस्बिरहरु ।
तस्बिरहरुः अनुप प्रधान/न्युज एजेन्सी नेपाल
