हेलिकप्टर दुर्घटनामा परि बास्केटबलका लिजेण्ड कोबी ब्रायन्टको निधन भएको छ । ४१ बर्षिया कोबी सहित ९ जना सवार हेलिकप्टर दुर्घटनामा परि सबैको मृत्यु भएको हो । दुर्घटनामा उनकी १३ बर्षको छोरी समेत परेकी छिन् । घटना बिहान १० बजे घटेको कुरा लस एन्जेलिस टाईम्सले जनाएको छ ।
कुहिरोको कारण हेलिकप्टर दुर्घटनामा परेको अनुमान गरिएको छ । जसका कारण उद्धारमा समेत समस्या भएको छ । सन् २०१६ माउनी एनबीएको सर्बाधिक तेस्रो स्कोरकर्ताको रुपमा उनले सन्यास लिएका थिए । उनले सन् २००८ देखि २०१२ सम्म ओलम्पिकमा अमेरिकालाई दुई पटक स्वर्ण दिलाएका थिए ।
कोबीले २० बर्षको बास्केटबल करियरमा धेरै कीर्तिमान आफ्नो नाममा लेखाएका छन् । उनले नेश्नल बास्केटबल एसोसियसनकाको तर्फबाट खेल्दै ५ पटक च्याम्पियन बनेका थिए ।
