![](https://newspolar.com/wp-content/uploads/2022/03/prachanda_3_S6VdGhQS7b.jpg)
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टीलाई क्रान्तिकारी बनाउने आवश्यक पर्दा आफनै टाउकोमा आगो लगाएर हिंडन हामी तयार बताउनु भएको छ ।
प्रज्ञा भवनमा जारी आठौं राष्ट्रिय महाधिवेशनको बन्दसत्रमा आफुले पेश गरेको प्रतिवेदनमाथि उठेका प्रश्नहरुको जवाफ दिँदै प्रचण्डले भन्नुभयो 'अहिले पनि एउटा छलाङ हान्न खोजेको छौ जरुरी पर्दा आफनै टाउकोमा आगो लगाएर हिंडन हामी तयार छौं ।’ उहाँले पार्टीलाई क्रान्तिकारी बनाउने अवसर गुम्न नदिने बताउनु भयो । उहाँले भन्नुभयो ‘यो पार्टीलाई क्रान्तिकारी बनाउन, जस्तासुकै त्याग, कष्ट र बलिदान गर्न तयार छु । म यो अन्तिम अवसर गुम्न दिन्न ।’
कतिपयले प्रचण्ड फेरि झुपडीमा जान सक्ला ? चिल्लो गाडी छोड्न सक्ला भनेको स्मरण गर्दे भन्नुभयो , ‘जरुरी पर्दा मलाई गाउँघरमा जान, उनीहरुसँगै बस्न, मजदुरसँग खान, जनतामाझ गएर बस्न कुनै गाह्रो छैन ।’