काठमाडौँ । इंग्लिस प्रिमियर लिग फुटबल अन्तर्गत म्यान्चेस्टर सिटी पराजित भएको छ ।
केहीबेरअघि सम्पन्न खेलमा सिटी नटिङहम फरेस्टसँग १–० गोलले पराजित भएको हो ।
घरेलु टोलिको जितमा एकमात्र निर्णायक गोल कालुम हड्सन ओडोइले गरे । उनले खेलको अन्त्यतिर अर्थात् ८३ औं मिनेटमा गोल गरेका हुन् ।
यो नतिजासँगै नटिङहम अंकतालिकाको तेस्रो स्थानमा उक्लिएको छ । उसको २८ खेलबाट ५१ अंक छ । सिटी समान खेलबाट ४७ अंकका साथ चौंथो स्थानमा छ ।
