काठमाडौं । फागुन महिनाका लागि वाणिज्य बैंकहरूले निक्षेपको ब्याजदर सार्वजनिक गरेका छन् ।
फागुन १ गतेदेखि लागू हुनेगरि सार्वजनिक गरिएको नयाँ ब्याजदर अनुसार अधिकांश वाणिज्य बैंकहरुले माघ महिनाको ब्याजदरलाई निरन्तरता दिएका छन् । समग्रमा व्यक्तिगत मुद्दती निक्षेपको औसत ब्याजदर माघ र फागुनको बराबर छ ।
फागुनमा २० वाणिज्य बैंकमध्ये १८ बैंकले माघकै ब्याजदरलाई निरन्तरता दिएका छन् । यस्तै, ग्लोबल आईएमई बैंकको ब्याजदर बढाएको छ भने लक्ष्मी सनराइजको घटाएको छ ।
बैंकहरूले फागुन महिनाका लागि व्यक्तिगत मुद्दती निक्षेपमा दिने अधिकतम औसत ब्याजदर ६.० प्रतिशत छ । यस महिनाका लागि एनएमबी र एनआईसी एसियाको सबैभन्दा धेरै ६.६ प्रतिशत छ ।
फागुनमा सिटिजन्स, नबिल, कुमारी, माछापुच्छ्रे, सिद्धार्थ, एभरेष्ट, राष्ट्रिय वाणिज्य बैंक, सानिमा, प्रभु, प्राइम कमर्सियल, स्ट्यान्डर्ड चार्टर्ड, हिमालयन, नेपाल इन्भेष्टमेन्ट मेगा, एनएमबि, कृषि विकास, नेपाल र एनआइसी एशिया बैंकले माघकै ब्याजदरलाई निरन्तरता दिएका छन् ।
