काठमाडौं । जनता समाजवादी पार्टी (जसपा) नेपालले सरकारले ल्याएको भूमिसम्बन्धी अध्यादेशलाई समर्थन नगर्ने निर्णय गरेको छ ।
मंगलबार सिंहदरबारमा बसेको संसदीय दलको बैठकले सरकारले ल्याएको ६ वटा अध्यादेशमध्ये भूमिसम्बन्धी अध्यादेशलाई समर्थन नगर्ने निर्णय गरेको हो ।
बाँकी ५ वटा अध्यादेशको सन्दर्भमा भने सकारात्मक रहने जसपा नेपाल सांसद प्रकाश अधिकारीले जानकारी दिए । भू-माफियाको प्रभाव बढ्न नदिन र जनताको पक्षका लागि उक्त निर्णय गरिएको उनले बताए ।
