काठमाडौँ । इंग्लिस प्रिमियर लिग फुटबलमा लिभरपुलले जित निकालेको छ । गएराति भएको खेलमा लिभरपुलले बर्नमाउथलाई उसकै घरेलु मैदानमा २–० गोलले हरायो ।
लिभरपुलको जितमा दुबै गोल मोहम्मद सलाहले गरे । उनले खेलको ३० औं मिनेटमा पेनाल्टीमार्फत गोल गर्दै लिभरपुललाई सुरुवाती अग्रता दिलाएका थिए ।
७५ औं मिनेटमा व्यक्तिगत तथा टोलिको लागि दोस्रो गोल गरेका सलाहले प्रिमियर लिगमा ५ सिजनमा लगातार २० गोल गर्ने कीर्तिमान समेत बनाए ।
जितसँगै शीर्षस्थानको लिभरपुलले २३ खेलबाट ५६ अंक जोडेको छ । बर्नमाउथ २४ खेलमा ४० अंकका साथ सातौं स्थानमा छ ।
