काठमाडौँ । इंग्लिस प्रिमियर लिग फुटबलमा म्यान्चेस्टर सिटीले जित निकालेको छ ।
गएराति भएको खेलमा सिटीले चेल्सीलाई ३–१ गोलले हराएको हो । घरेलु मैदान इतिहाडमा सिटीलाई जित दिलाउन होस्को जिभार्डिओल, एर्लिङ हालाण्ड र फिल फोडेनले गोल गरे ।
खेलको तेस्रो मिनेटमा नै नोनी माडुएकेले गोल गर्दै चेल्सीलाई सुरुवाती अग्रता दिलाएका थिए । तर चेल्सी उक्त एक गोलमै सिमित बन्यो ।
४२ औं मिनेटमा जिभार्डिओलले गोल गर्दै सिटीलाई १–१ गोलको बराबरीमा ल्याए ।
६८ औं मिनेटमा हालाण्डले गोल गर्दै सिटीलाई २–१ गोलको अग्रता बनाए भने ८७ औं मिनेटमा फोडेनले गोल थप्दै सिटीलाई ३–१ को जित दिलाए ।
जितसँगै सिटी २३ खेलबाट ४१ अंकका साथ चौंथो स्थानमा उक्लिएको छ । चेल्सी ४० अंकका साथ छैटौं स्थानमा छ ।
