तनहुँ । रोटर्याक्ट क्लब अफ भिमादले विद्यार्थीहरूलाई न्यानो कपडा र शैक्षिक सामग्री वितरण गरेको छ ।
शुक्रबार भिमाद नगरपालिका-२ स्थित रघु माध्यमिक विद्यालयमा कक्षा १ देखि ५ सम्मका सबैजना ४८ जना विद्यार्थीहरूलाई न्यानो कपडा वितरण गरिएको क्लबका अध्यक्ष अनिल शर्माले जानकारी दिए ।
गरिब, विपन्न, र जेहेन्दार विद्यार्थीहरू पहिचान गरी न्यानो कपडा साथै शैक्षिक सामग्री वितरण गरिएको क्लबले जनाएको छ ।
विद्यार्थी र विद्यालयको आवश्यकतालाई मध्यनजर गर्दै न्यानो कपडा वितरण गरिएकोमा विद्यालयका प्रधानाध्यापक विष्णु थापाले धन्यवाद व्यक्त गरे ।
