काठमाडौँ । नेपाल प्रिमियर लिग (एनपिएल)मा आज सोमबार दुई खेल हुँदैछन् । पहिलो खेलमा काठमाडौं गुर्खाज र चितवन राइनोजले प्रतिस्पर्धा गर्दैछन् । यो खेल बिहान ९ः१५ बजे सुरु हुनेछ । दुबै टोलिले आज आफ्ना पहिलो खेल खेल्दैछन् ।
त्यस्तै आज दिउँसो जनकपुर बोल्ट्स र कर्णाली याक्सबीच प्रतिस्पर्धा हुँदैछ । खेल दिउँसो सवा १ बजे सुरु हुनेछ । दुबै खेल कीर्तिपुरस्थित टियु मैदानमा हुनेछ ।
उद्घाटन खेलमा विराटनगर किंग्सलाई हराएको जनकपुर लगातार दोस्रो जित निकाल्ने दाउमा छ ।
यता, भारतीय पूर्वओपनर शिखर धवनलाई अनुबन्धित गरेर चर्चामा आएको कर्णाली पहिलो खेलमा जित निकाल्दै सुखद सुरुवात गर्न चाहन्छ ।
