काठमाडौं । ईंग्लिश प्रीमियर लिग फुटबलमा लिभरपुलले जित निकालेको छ ।
गएराति भएको खेलमा लिभरपुलले चेल्सीलाई २-१ गोलले हराएको हो ।
घरेलु मैदान एन्फिल्डमा लिभरपुललाई जित दिलाउन मोहम्मद सलाह र कर्टिस जोन्सले गोल गरे । चेल्सीका निकोलस ज्याक्सनले गोल गरेपनि उनको गोल सान्त्वना गोल भयो ।
सलाहले २९ औं मिनेटमा पेनाल्टीमा गोल गर्दै घरेलु टोलिलाई सुरुवाती अग्रता दिलाएका थिए ।
४८ औं मिनेटमा ज्याक्सनले गोल गर्दै चेल्सीलाई १-१ को बराबरीमा ल्याए । तर, ५१ औं मिनेटमा जोन्सले गोल गर्दै लिभरपुललाई पुन २-१ गोलले अघि बढाए । त्यसपछि गोल निस्किन सकेन र लिभरपुल विजयी बन्यो ।
यो नतिजापछि लिभरपुल ८ खेलबाट २१ अङ्कका साथ शीर्षस्थानमा यथावत छ । चेल्सी १४ अङ्कका साथ छैटौं स्थानमा छ ।
