काठमाडौं । साताको अन्तिम कारोबार दिन शुक्रबार नेपाली बजारमा सुनको मूल्य बढेको छ । स्थानीय बजारमा अघिल्लो कारोबार दिन अर्थात् बिहीबार रू. १ हजारले बढेको सुनको मूल्य शुक्रबार रू. १०० ले बढेको हो ।
नेपाल सुनचाँदी व्यवसायी महासंघका अनुसार शुक्रबार छापावाला सुन प्रतितोला रू.९३ हजार ८०० मा कारोबार भएको छ । बिहीवार छापावाला सुनको मूल्य प्रतितोला रू. ९३ हजार ७०० मा कारोबार भएको थियो । बिहीबारको तुलनामा शुक्रवार छापावाला सुन प्रतितोला रू. १०० ले बढेको हो ।
त्यसैगरी, तेजाबी सुन प्रतितोला रू. ९३ हजार ३०० मा कारोबार भएको छ । बिहीबार तेजाबी सुन प्रतितोला रू. ९३ हजार २०० मा कारोबार भएको थियो ।
यस्तै, शुक्रबार चाँदीको मूल्य पनि बढेको छ । बिहीबार प्रतितोला रू।.१ हजार ३१५ मा कारोबार भएको चाँदी शुक्रवार रू. १० ले बढेर रू. १ हजार ३२५ किनबेच भइरहेको छ ।
