काठमाडौँ । स्वाभिमान लघुवित्त वित्तीय संस्थाले शेयरधनीहरुलाई २१.०५ प्रतिशत लाभांश दिने घोषणा गरेको छ ।
आइतबार बसेको सञ्चालक समितिको बैठकले आव २०७६र७७ सम्मको नाफाबाट २०७७ असार मसान्तसम्म कायम चुक्ता पूँजीको २० प्रतिशत बोनस शेयर र कर प्रयोजनका लागि १.०५ प्रतिशत नगद लाभांश प्रस्ताव गर्ने निर्णय गरेको कम्पनी सचिव तथा प्रमुख कार्यकारी अधिकृत कृष्णराज चौधरीले बताउनु भएको छ ।
कम्पनीको हाल कायम चुक्ता पूँजी ७ करोड ६७ लाख ७ हजार ६ सय ४० रुपियाँ छ । सञ्चालक समितिले प्रस्ताव गरेको लाभांश राष्ट्र बैंकको स्वीकृति र आगामी साधारण सभाले पारित गरेपछि वितरण गरिने कम्पनीले जनाएको छ ।
