एजेन्सी । बलिउडमा अहिलेको सन्दर्भमा १०० करोड पारिश्रमिक लिने स्टारहरु थुप्रै पुगेका छन् । तर, के तपाईलाई थाहा छ यीमध्ये केही सुपरस्टारले पहिलो (डेब्यु) फिल्ममा ५ हजार रुपैया मात्रै पाएका थिए । यसैबीच यहाँ आजका यी सुपरस्टारहरुको डेब्यु फिल्मको पारिश्रमिकबारे जानौं ।
१. अमिताभ बच्चन – अमिताभ बच्चनलाई डेब्यु फिल्म ‘सात हिन्दुस्तानी’का लागि पारिश्रमिकस्वरुप ५ हजार रुपैया प्राप्त भएको थियो ।
२. धर्मेन्द्र – पहिलो फिल्म ‘दिल भी तेरा हम भी तेरे’का लागि धर्मेन्द्रले ५१ हजार रुपैया लिएका थिए ।
३. अक्षय कुमार – ‘सौगन्ध’का लागि अक्षय कुमारलाई ५१ हजार प्राप्त भएको थियो ।
४. सलमान खान – ‘मेंने प्यार किया’ बाट फिल्मी करिअर सुरु गरेका सलमान खानले यस फिल्मका लागि ११ हजार रुपैया लिएका थिए ।
५. कार्तिक आर्यन – ‘प्यार का पञ्चनामा’ का लागि कार्तिकले १.२५ लाख रुपैया लिएका थिए ।
६. शाहरुख खान – शाहरुखले फिल्म ‘दीवाना’का लागि चार लाख रुपैया लिएका थिए ।
