एजेन्सी । दोस्रो टी–२० अन्तर्राष्ट्रियमा अष्ट्रेलियाले न्युजिल्याण्डलाई ७२ रनले पराजित गरेको छ । न्युजिल्याण्डको अकल्याण्डमा भर्खरै सम्पन्न खेलमा अष्ट्रेलियाले दिएको १७५ रनको लक्ष्य पछ्याउने क्रममा न्युजिल्याण्ड १७ ओभरमा अलआउट हुँदै १०२ रनमात्र बनायो ।
उसका लागि ग्लेन फिलिप्सले ४२, ट्रेन्ट बोल्टले १६ र जोस क्लार्कसनले १० रन जोड्नुबाहेक अन्य ब्याट्सम्यानले दोहोरो अंकमा रन बनाउन सकेनन् ।
न्युजिल्याण्डलाई सस्तैमा समेट्न आडम जाम्पाले ४, नाथन इलिसले २ तथा प्याट कमिन्स, मिचेल स्टार्क र जोस हेजलवुडले १–१ विकेट लिए ।
त्यसअघि टस हारेर पहिले ब्याटिङ थालेको अष्ट्रेलियाले १९.५ ओभरमा अलआउट हुँदै १७४ रन जोड्यो । उसका लागि ट्राभिस हेडले ४५, प्याट कमिन्सले २८, मिचेल मार्शले २६, टिम डेभिडले १७, स्टिभ स्मिथ र नाथन इलिसले ११र११ रन जोडे ।
बलिङतर्फ न्युजिल्याण्डका लागि लोकी फर्गुसनले ४, आडम मिल्ने, बेन सिर्स, मिचेल सान्टनरले २–२ विकेट लिए ।
यसअघि अष्ट्रेलियामा भएको पहिलो टी–२० आईमा अष्ट्रेलिया ६ विकेटले विजयी भएको थियो ।
