काठमाडौं । राष्ट्रिय स्वतन्त्र पार्टीका सभापति एवं प्रतिनिधि सभा सदस्य रवि लामिछानेमाथि पोखरामा खोया प्रहार भएको छ ।
पार्टीको कार्यक्रमलाई सम्बोधन गरिरहेका लामिछानेलाई एक युवकले खोया प्रहार गरेका थिए । खोया प्रहार घटनापछि प्रहरीले लमजुङका २८ वर्षीय सन्तोष रानाभाटलाई नियन्त्रणमा लिएको छ । रानाभाटलाई वडा प्रहरी कार्यालय रामबजारको टोलीले पक्राउ गरेर जिल्ला प्रहरी कार्यालयमा बुझाएको छ ।
मकैको खोया प्रहारपछि सम्बोधन गर्दै लामिछानेले जतिसुकै प्रहार भए पनि कालो सिसाभित्र लुकेर हिँड्ने नेता नभएको बताउनु भयो ।
उहाँले भन्नुभयो -जतिसुकै प्रहार भए पनि, जतिसुकै षडयन्त्र भए पनि, जतिसुकै घेराबन्दी भए पनि टाउको निहुराएर मुख छोपेर कालो सिसाभित्र लुकेर हिँड्ने नेता होइन । अझ ठूलो छाती पारेर ढमढम चोक, गल्ली, चिया पसलमा, सभा समारोहमा खुल्लमखुल्ला हिँड्न चाहने नेता बन्न चाहन्छु ।
उहाँले भन्नुभयो, ‘अरुको हकमा भए एउटा पीरले मान्छेलाई थला पार्छ । एउटै दु:खले मान्छेलाई थचक्क बसाल्न पर्याप्त हुन्छ,’ मैले एकपछि अर्को पीर, दु:ख, घेराबन्दी र षड्यन्त्रको सामना गर्नुपरेको छ । अब त नयाँ प्रहारहरु पनि सुरु भएको रहेछ । सुनाइदिनुहोला यो खबर । रवि लामिछाने तयार छ । नेपाली जनतालाई गरेको वाचा पूरा गर्न तयार छ।’
उहाँले आफू कुनै चिजबाट पनि पछि हट्नका लागि राजनीतिमा नआएको, देश र जनतालाई धोका दिनेगरी आफू राजनीतिमा नआएको बताउनु भयो ।
उहाँले भन्नुभयो, ‘कुनै चिजबाट पछि हट्न म राजनीतिमा आएको हैन । राजनीति छाडेपछि सरकारले दिने लोभ र र्याल काढेर म आएको होइन ।’
https://www.facebook.com/watch?v=1526844471207552
