काठमाडौँ । ग्यालेक्सी फोरके टेलिभिजन बन्द भएको छ । टेलिभिजनका मालिक सहकारी ठगी प्रकरणमा फरार भएसँगै टेलिभिजन बन्द भएको हो ।
सुदर्शन बचत ऋण तथा सहकारी संस्थाका अध्यक्ष जिबी राईलाई १६ अर्ब भन्दा बढी हिनामिना गरेको आरोप लागेको छ ।
राईविरुद्ध सहकारीका बचतकर्ताले ठगी गरेको भन्दै जिल्ला अदालत कास्कीमा मुद्दा समेत दर्ता गराएका थिए । जिल्ला अदालत कास्कीले राई विरुद्ध गत भदौ २४ गते पक्राउ पुर्जी जारी गरेको थियो । उनी विरुद्ध पक्राउ पुर्जी जारी भएसँगै उनी फरार छन् ।
साहु नै फरार भएपछि उनले सञ्चालनमा ल्याएको ग्यालेक्सी फोरके टेलिभिजन बन्द गरिएको छ । टेलिभिजनमा काम गर्नेहरूले महिनौँसम्मको तलब नपाएको गुनासो गरेका छन् ।
उक्त संस्थामा कार्यरत केही टेलिभिजनकर्मीहरूले सो टेलिभिजन छाडेर अन्त काम थालिसकेका थिए ।
